Hér er að finna heimasíður og ganglegt efni
Heilsuvera er vefsvæði á vegum heilbrigðisyfirvalda sem veitir aðgengilegar og traustar upplýsingar um ýmis málefni er varða heilsu og líðan ungmenna. Þar er fjallað um andlega og líkamlega heilsu, kynheilbrigði, samskipti, sjálfsmynd og réttindi, ásamt leiðbeiningum um hvar og hvernig hægt er að leita sér aðstoðar.
SAMAN-hópurinn er samstarfsvettvangur sem vinnur að forvörnum og velferð barna og unglinga. Markmiðið er að styrkja foreldra í uppeldishlutverkinu og draga úr áhættuhegðun ungmenna. Á vefsíðunni má finna upplýsingar um útivistarreglur, verndandi þætti í uppeldi og fræðslu fyrir foreldra. Hópurinn leggur áherslu á að samvera fjölskyldunnar sé besta forvörnin.
Fjölmiðlanefnd vinnur að því að efla miðlalæsi og gagnrýna hugsun meðal barna og ungmenna, með áherslu á örugga og meðvitaða notkun stafrænnar tækni og fjölmiðla. Á síðunni má finna greinar, fræðslu og verkefni sem styðja við foreldra, kennara og ungmenni í að takast á við áskoranir nútímasamskipta, samfélagsmiðla og stafræns umhverfis.
SAFT – Netöryggismiðstöð Íslands vinnur að því að auka vitund um netöryggi, miðlalæsi og stafræna borgaravitund. Verkefnið veitir fræðslu og stuðning til barna, foreldra og kennara um örugga netnotkun og mikilvægi upplýsinga- og miðlalæsis, í samræmi við stefnu stjórnvalda og Barnasáttmálann. SAFT starfar í samstarfi við Fjölmiðlanefnd, Rauða krossinn og lögregluna til að tryggja öruggt stafrænt umhverfi fyrir börn og ungmenni.
Hér er vettvangur þar sem almenningur getur komið með ábendingar og hugmyndir til að bæta opinbera þjónustu. Síðan er í umsjá Barna- og fjölskyldustofu, sem sinnir verkefnum í þágu velferðar barna um allt land og styður við þjónustu sem byggir á bestu þekkingu og reynslu hverju sinni. Markmiðið með síðunni er að einfalda og bæta þjónustuna með beinni aðkomu fólksins sem notar hana.
Heimasíðan Farsæld barna veitir upplýsingar um hvernig börn og fjölskyldur geta fengið stuðning og þjónustu á réttum tíma – án flækjustigs. Markmiðið er að tryggja velferð barna með samvinnu milli stofnana og fagfólks, þannig að stuðningur miðist við þarfir barnsins, ekki kerfin. Á síðunni er hægt að fá fræðslu um farsældarlögin, hlutverk tengiliða og hvernig foreldrar, börn og ungmenni geta leitað aðstoðar ef þörf er á.
Hér er fræðsluvefur frá umboðsmanni barna á Íslandi. Þar má finna mikið af gagnlegu efni um réttindi barna, uppeldi, ofbeldisvarnir og hvernig við getum öll stutt við velferð barna í samfélaginu. Frábær síða fyrir foreldra, kennara og aðra sem vinna með börnum.
Hér er fræðsluvefur um Samning Sameinuðu þjóðanna um réttindi barnsins. Þar má læra um réttindi barna á aðgengilegan hátt, fá kennsluefni, fróðleik og hugmyndir um hvernig hægt er að innleiða Barnasáttmálann í daglegu lífi, bæði heima og í skólum.